Palestínskar borgir og staðir á Vesturbakkanum
The Noble Sanctuary
Í hjarta Jerúsalem liggur Musterishæðin (Sharam Al-Sharif) með "Dome of the Rock" og Al-Aqsa moskunni. Þessi vel uppsetti vefur inniheldur ýmsar upplýsingar um svæðið, gömlu borg Jerúsalem, moskurnar og Íslam.
Jerúsalem
Jerúsalem er fjölmennasta borg Palestínu og söguleg miðstöð menningar og viðskipta á Vesturbakkanum. Palestínumenn vilja gera austurhluta hennar að höfuðborg sjálfstæðrar Palestínu á meðan Ísrael gera tilkall til borgarinnar allrar. Samkvæmt samþykktum Sameinuðu þjóðanna er Jerúsalem hertekin borg og aðeins 2 ríki hafa sendiráð í borginni; Kosta Ríka og El Salvador. Vefurinn er á vegum ísraelskra yfirvalda og inniheldur ýmsar upplýsingar um sögu borgarinnar, áhugaverða staði til að heimsækja, söfn og fleira.
Bethlehem
Opinber síða bæjarstjórnar Bethlehem borgar, sem staðsett er á Vesturbakkanum stutt frá Jerúsalem. Fæðingarstaður Jesú Krists.
Bethlehem 2000
Flottur vefur um Bethlehem og Landið helga. Hér má nálgast ýmsar haldgóðar upplýsingar fyrir þá sem hyggja á ferðalag til Palestínu.
Jericho
Opinber heimasíða Jeríkó borgar, sem var fyrsta borgin á Vesturbakkanum til að komast undir stjórn palestínsku heimastjórnarinnar samkvæmt Oslóa-samkomulaginu. Talin elsta borga heims.
Ramallah
Opinber heimasíða einnar stærstu borgar Palestínu sem staðsett stutt frá Jerúsalem á Vesturbakkanum. Miðstöð stjórnsýslu og menningar Palestínumanna á Vesturbakkanum.
Ramallah City
Vefur tileinkaður Ramallah borg, sögu staðarins og menningu.
Al Bireh
Bær sem er samvaxinn Ramallah, í daglegu tali oftast nefndur í sömu andrá og þekktari nágranni sinn. Er þó sér bæjarfélag. Hér eru höfuðstöðvar palestínska forsetaembættisins þar sem Yassir Arafat hélt til síðustu æviár sín, oft umkringdur ísraelsku herliði. Þar er nú gröf palestínska leiðtogans.
Nablus
Opinber heimasíða Nablus borgar, sem er næst fjölmennasta borg Vesturbakka Palestínu á eftir Jerúsalem.
Jenin
Opinber heimasíða Jenín borgar á norðurhluta Vesturbakkans.
Qalqilya
Opinber heimasíða Qalqilya borgar sem staðsett er á norðurhluta Vesturbakkans, stutt frá vopnahléslínunni 1949, "grænu línunni" sem almennt er viðurkennd sem landamæri Ísraelsríkis og Vesturbakkans.
Tulkarm
Vefur Tulkarim borgar á Vesturbakka Palestínu. Staðsett stutt frá vopnahléslínunni í stríðinu 1947-49, hinni svokölluðu "grænu línu", sem almennt er viðurkennd sem landamæri Ísraelsríkis og Vesturbakkans.
Salfeet
Opinber vefur Salfeet sveitastjórnar, sem er bær og svæði sem liggur um miðbik Vesturbakkans.
Palestínskar borgir og staðir á Gaza
Gaza
Opinber heimasíða einnar stærstu borgar Palestínu, Gaza-borgar á Gaza ströndinni.
Khan Younis
Ein stærsta borg Gaza svæðisins.
Palestínskar borgir og staðir innan landamæra Ísraels
Nazareth
Opinber heimasíða Nasaret borgar, stærstu byggðar Palestínuaraba innan Ísraelsríkis og höfuðstaður Galíleu (Galilee) svæðisins sem samkvæmt samþykkt S.þ. um skiptingu Palestínu 1947 átti að tilheyra Palestínumönnum. Íbúarnir eru bæði kristnir og íslamskir og er gott dæmi um hvernig ólíkir trúarhópar geta búið saman í sátt og samlyndi. Einn vinsælasti ferðamannastaður Ísraels.
Yafa
Vefur tileinkaður einni elstu borg Miðjarðarhafsins sem var lengi vel ein stærsta borg Palestínu. Hertekin af sveitum Zíonista 13. maí 1948 og innlimuð í Ísraelsríki. Árið 1950 var Jaffa (Yafa) sameinuð Tel Aviv undir nafninu Tel Aviv-Yafo.
Palestínskar flóttamannabúðir
Al Faraa Camp
Vefur Al Faraa flóttamannabúðanna. Inniheldur m.a. myndir af mannlífi búðana, teikningar og sögur barnanna sem þar búa.
|
