Velkomin/n á heimasíðu safndisksins Frjáls Palestína!

Safndiskurinn Frjáls Palestína er samstöðuyfirlýsing með stríðshrjáðum í Palestínu. Allir listamenn sem koma fram á disknum gefa vinnu sína. Allur ágóði rennur til styrktar æskulýðsstarfi í Balata-flóttamannabúðunum, þeim fjölmennustu á Vesturbakka hertekinnar Palestínu. Verkefnið sem styrkt er heitir Project Hope.

Margir af fremstu tónlistarmönnum og hljómsveitum landsins koma fram á Frjálsri Palestínu. Með kaupum á disknum ertu því ekki aðeins að styðja gott málefni heldur einnig að eignast eigulegt safn með sumu af því besta sem íslensk hipp hopp, rokk-, popp- og raftónlist hefur upp á að bjóða. Eða eins og kemur fram í umfjöllunum fjölmiðla er hér á ferð ein af "betri íslenskum safnplötum sem komið hefur út í fjöldamörg ár" þar sem "topphljómsveitir í íslenskri tónlistarmenningu taka höndum saman og gefa vinnu sína í þágu þessa brýna málefnis"

Alls inniheldur Frjáls Palestína 18 lög - og er helmingur þeirra aðeins fáanleg hér á þessum disk. Hinn helmingurinn er sérvalið efni frá listamönnunum sjálfum og er þar bæði um að ræða lög sem eru að koma út á nýjum breiðskífum viðkomandi listamanna, lög af eldri breiðskífum eða aukalög af smáskífum.

Eftirtaldir listamenn eiga lög á Frjálsri Palestínu; KK, Vinyl, Tenderfoot, Ske, Lára & Delphi, Quarashi, Ensími, Ghostigital, Santiago, Touch, múm, XXX Rottweiler ásamt KJ, Leaves, 200.000 naglbítar, Worm is Green, Bob Justman, Gus Gus, Mugison, Ragnar & Rúna.