AÐALFUNDUR FÉLAGSINS
IÐNÓ, FIMMTUDAGINN 7. APRÍL KL 20:00
Aðalfundur Félagsins Ísland-Palestína 2016 fer fram í Iðnó, fimmtudaginn 7. apríl. Á fundinum verður kjörin ný stjórn og nýr formaður kjörinn í fyrsta sinn í 25 ár. Sveinn Rúnar sem verið hefur í stjórn frá stofnun félagsins 1987 og formaður frá 1991, hefur ákveðið að láta nú af stjórnarstörfum, þótt hann muni áfram vera með í baráttunni fyrir frjálsri Palestínu.
Félagar eru hvattir til að gefa kost á sér til starfa, bæði í stjórn og starfshópum.
Dagskrá:
- Ræða: Gréta Gunnarsdóttir sendiherra mannréttindamála
- Tónlist: Unnsteinn og Logi Pedro úr Retro Stefson
- Aðalfundarstörf
Lagabreyting: Stjórn félagsins leggur fram tillögu til lagabreytingar sem felur í sér að aðalfundur kjósi formann sérstaklega. Breytingingin varðar 7. grein grein laga félagsins sem í dag er svohljóðandi: Stjórn félagsins skal skipuð sjö félagsmönnum og að auki skal kjósa tvo til fjóra varamenn. Stjórnin skiptir sjálf með sér verkum.
Lagt er til að síðasta setningin breytist og verði: Aðalfundur kýs formann sérstaklega, en stjórnin skiptir að öðru leyti með sér verkum.
Félagsmenn eru eindregið hvattir til að fjölmenna á aðalfundinn.
Fundurinn er auglýstur á Facebook hér.
– Stjórnin
Electronic intifada
Ma'an
